اصوات مزعجه

اللي فيه عاده عمره ما هيغيرها , من ايام ما كنت في مدرسه و انا براكم الواجب عليا , دلوقتي مع اني بقيت في كليه برضه براكم الواجب عليا , بس دلوقتي الوضع اختلف , ألواجب المره دي واجب تدويني و هما واجبين : واجب من smilefirst2 وواجب من أراك لاحقا

هبدء بالواجب المطلوب مني الاول و هكتب عن اكثر الأصوات المزعجة اللي بتضايقني

1. � الصوت الالي لشركة الموبايل ( عذرا لقد نفذ رصيدكم …تيت …تيت…تيت ) ,,, لأني بخلص رصيدي اول بأول
2. � صوت تكتكه الساعه عندما يكون الجو ساكن و خصوصا عندما اكون نائم
3. � صوت مراقب لجان الامتحانات و هو يكرر و يعيد إخبارنا بتعليمات اللجنه ,, كفايه احنا متوترين خلقه مش ناقصاك يعني
4. � صوت النيودج بتاع الماسنجر و انا مشغول في حاجه , او اللي بيبعتلي نيودج قبل ما يكلمني حتي
5. � صوت حد بياكل بصوت عالي
6. � واكيد و زي معظم الناس ,صوت الاله اللي عند دكتور السنان , بتخلي جسمي يقشعر
7. � صوت الضحك الهستيري

بس كده مش فاكر ايه تاني الصراحه

كده انا خلصت واجب smilefirst2 اهو , ناقص واجب أراك لاحقا ( البشمهندس ابوحميد ) إن شاء الله قريب اكون فكرت هكتب عن مين من المدونين خلال يومين بالكتير إن شاء الله مش قولتلكم اللي فيه عاده لايمكن يغيرها