الاهلي Vs النجم الساحلي
بداية كده عايز اقول انا مش متعصب و لا حاجه ده انا اساسا مش بتفرج علي ماتشات الكوره الا كل فين و فين فياريت محدش يقول اني منحاز, بس الصراحه انا بحب النادي الاهلي و بشجعه بس برضه مقدرش اقول اني بتفرج علي كل ماتشاته,
يوم الجمعه الموافق 9/11/2007 كان لقاء العوده بين الاهلي المصري و النجم الساحلي انا بقي جهزت نفسي و خلصت اللي ورايا و قولت اتفرج كأني كنت حاسس ان اللي هيحصل النهارده ده حاجه غريبه
المهم , اتفرجت و كل حاجه ماشيه تمام و مره واحده الاقي لعيب من الاهلي بيقع علشان واحد زقه و الحكم ما بيديش حاجه قولنا ماشي ,الحكايه اتكررت كتير لحد ما الحكم قال انا شاكلي هيبقي وحش لو ما اديتش انذار راح تكرم معاليه و مطلع الكارت الاصفر قولت في سري و الله كويس ان في حكم عنده دم و بيختشي مش مهم بقي الاحداث اللي بعد كده و مره واحده و لقيت النجم دخل جون قولت و ماله الاهلي قدها و قدود و هيعرف
يصحح الاوضاع
و هوب هوب عماد النحاس دخل جون في الشوط التاني قولت تمام التمام يا واد يا ايمن و كده رضا هو اينعم التعادل مش مفيد لنا بس برضه قولت ربنا كبير و هيوفقنا في جون تاني
تحس بقي ان احنا في مهرجان سينما و تحس ان في جوائز اوسكار في التمثيل و في ناس واقفه بره معاها الجوايز و هتسلمها !! بتقولوا ليه ؟
اقولكم انا حسيت كده ان فرقه النجم فرحوا اوي بالتعادل و قالوا كفايه كده و بدءوا يضيعوا الوقت و اللي بيعدل الجزمه و اللي بوقه بيوجعه و اللي بيتمشي براحته و اللي و اللي.. بس الحكم عمل اللي عليه و ادي الجون انذار علشان كده تقريبا
المهم زي ما انا قولت في الاول الاهلي كان في لعيبه منهم بيتزقوا و بينضربوا و الحكم و لا علي باله و يوم ما يتكرم و يقول اعملي حاجه علشان البرستيج يقوم مدي انذار لكن ليه و ليه بقي لما عماد النحاس صاحب هذف التعادل !! عمل خطأ و زق لعيب من النجم راح علي طول كارت احمر و طرد !!! نعم يا اخويا هنستهبل بقي ؟؟؟ هو الكارت الاصفر شاحح في السوق
و لا ايه يا عم انت ؟؟
ده غير ضربتين جزاء واضحين للنادي الاهلي و ما تحسبوش
بصوا من الاخر انا مش بفهم في الكوره قد كده 
انا اللي خلاني اكتب الموضوع ده انا متنرفز من العرجون ده لو انتم عايزيزن معلومات اكتر عن الماتش خشوا هنا
http://www.ahlyegypt.com/Arabic/News/press/ahly_list.htm
السلام عليكم ورحمة الله
طيب نفترض الاهلي كان كسب
اولا الفريق محتاج عمره شامله
ما حصلش في تاريخ الاهلي انه كان عنده حارس مرمى واحد ( امير كويس بس مش ممتاز )
عماد وفلافيلو بقالهم كتيير ما جابوش اجوان وعايزين يمشوا
طقم الدفاع : السن ليه حكمه
الباك اليمين : مشكلة مصرية مزمنه
الباك الشمال : مافيش بديل لجيلبرتو , اللي محتاج طبيب نفساني لانه بقى يخاف يلعب واعتقد انه من اسباب الخساره عدم اشتراكه في ماتش تونس ( الذهاب ) لانه كان جزء كبير من خطة جوزيه معنمد على مجهود جلبيرتو في الهجمات المرتده وده اللي كان ممكن يخلص البطوله في الماتش الاول
فيه اسماء كتير في الهجوم ما نعرفش موقفها ايه : اسامه حسني , احمد بلال , رضا الويشي
وبالمناسبه عبد الحميد حسن اعتقد انه مش المستوى ولا السن اللي يلعب في الاهلي
يا راجل ده من دوري
بالمناسبه : انا ما باتفرجش على الماتشات لاسباب كتير منها اني ماعنديش تلفزيون وما باحبش اتفرج على رجاله كبيره لابسه شورتات وعورتها باينه لان العوره لحد الركبه
الاهلي فوق الجميع
وما حدث هو ظلم تحكيمي باين
اسعدني مرورك يا اخ شراره
و انت يا اخ احمد
كلامكم سليم
انا فرحان اوى ان الاهلي اتغلب دا انا كنت بتفرج على الماتش ومتكيق اوى بس الفكرة فى ان النجم الساحلى يكسب ان الريس بتعهم او الرئيس كان بيتفرج على الماتش
وطبعا لازم يكسب انا بجد فرحان للنجم الساحلى لانه لعب ماتش صح وفريف صح
اولا انا اسمعلاوى
فرحان ياعم عادل عشان الحكم كان بيحكم للنجم الساحلى على فكرة الحكم بيحكم للنجم الساحلى من البداية واحنا عارفين ان الحكم فى المباراة كان هيكون لصالح النجم الساحلى بس
علشان فعلا نئيسهم كان موجود فى الماتش ولما ادانى طرد دا كان لصالحهم . او الرئيس بتعهم قال كدا بس احنا بنلعب كورة نظيفه . بس وهقلكو الاهلى هيفضل زي ما هوه بطل مصر
هذه هي الكوره ياعم
الاهلى دة مدرسة ورا مدرسة وانا افدى الاهلى بحياتى واموت واللة ويحيا الاهلى
الحكم دة عقوبتة الاعدام مع سبق الاصرار والترصد
رابطة مشجعي النادى الاهلى m7mohsen
الاهلى عظيم ونحنا وراءه حتى لو وصل مستواه للزمالك ولكن ما ازعجنى حقا هو فرح المصرين من نادى الزمالك والاسماعليه والاتحاد لخسارتنا
الله يسمحه هذا الحكم.ولكن لو عملوا ايه هيبقى الاهلى فريق القرن وسيزيد حب الاهلاويه اكتر بكتيييييييير لفريقهم.
و الله الحكم دة ظالم
و الاهلى حقة
انة ياخذ
الكاس
ع ت