كبر دماغك
بداية المشهد : فلان قاعد مع علان في القهوه و بعديت تليفون علان رن وحدث الاتي
فلان : ما ترد يابني علي التليفون
علان : لا
فلان: ليه يا عم بس ؟؟
علان : اهو بقي حلاقه و السلام
فلان: ليه بس الغلاسه دي ؟
؟
علان : بيني و بينك بحب اكبر دماغي
فلان: يا سلام ؟؟
علان : اه
فلان : طيب لما انت بتكبر دماغك الناس ما بتضايقش ؟؟
علان : يتضايقوا ليه بس ؟؟؟ دي حاجه عاديه يعني و محدش بتضايق علشانها
فلان : طيب لو انا دلوقتي خلعت من القهوه من غير ما ادفع الحساب ؟؟ و كبرت دماغي يبقي ازاي الحال امال ؟؟
علان : ده انا اتنرفز نرفزه و احتمال دمي يفور فوران و اتضايق نفسيا كمان
يغشي علي فلان كالعاده في الحال
—————————-
المشهد من تأليفي و اخراجي 
——————————
كبر دماغك ,كلمه بنسمعها كتير قوي الايام دي , كلمه بتحمل في طياتها جمود و استفزاز للمشاعر ,كم مره اسمعها و انا ماشي و تكون بين واحد و صحبه كام مره..كام و كام
الكلمه دي بقي بتعبر عن اللامبالاه يعني واحد يبقي بيعمل حاجه غلط و يجي حد ينصحه يرد بكل وقاحه و يقوله يا عم كبر
لو كل واحد كبر دماغه يبقي مفيش مشاكل هتتحل لا و كمان هتبقي المشاكل بتكبر بجد يعني كبر و فعلا هو بيكبر المشكله
و اترك التعليق لكم
كبر دماغك أخي
ايه يا ابو مروان انت معاهم و لا معانا
بسمعها كتير وساعات بستعملها في الكلام مع اخواتي
بس بتضايق بابا اوى
بتحسسك انك عايش وسط شعب كله مستهتر من كتر ما بقى الناس بيقولوها
فعلا يا دكتوره
كلامك سليم
و احب اقولك ان في شئ مشترك بينا
و هو ان الكلمه دي بتضايق ابويا كمان
و فعلا انتشارها بيدل علي حالة اللامبالاه اللي فيها ناطقها
موضوع جميل
و انا اتمني اني الاقي الكلمه دي ممسوحه من عقولنا
يا رب يا legend يارب
لا يكبر الدماغ إلا إذ أكبره صاحبه
والدماغ في تعبير العوام إشارة للعقل
وإذا كان التفكير بالعقل فقط فأين محل العاطفة من ذلك!!
حقيقة هذه مصافحتي الأولى لمدونتك، وجدت فيها المفيد والممتع السهل الممتنع
لك مني أعبق التحايا
شكرا علي المداخله يا عبد الله و إن شاء الله تتكرر الزياره
أعتقد أن سبب أنتشار الكلمة سريعا ليس اننا مكبرين دماغنا ولكن من حالة الدنيا التى تقهر مما يجعلنا مندقش على الكلام التفه اللى بييتقال
ماشي انا معاكي في الحكايه دي يا jassmin لكن اننا نسيب الامور تمشي و نقول الدنيا هي السبب انا مش معاكي في كده , لاننا لازم نغير من الحاجات الوحشه و ما نسيبهاش
بجد كلمه مستفزه جدااا , انا لما بسمعها بشيط
و مين سمعك يا k7ka
انا من كتر ما صحابي قعدوا يقولولي كبر دماغك بقيت حاسس ان دماغي هتفرقع
nfsy akbr dma3′y wallahi bs mesh3rfa aw zay ma bt2ol kda m2drah az3l elnas menni w mesh 3′awya a23d asale7 f el nas w ana asln 3′ltana tyeb maho men el awel blash tkber el dmaaaaaaaaaaa3′ da..
nice blog ..thanks
فعلا انا معاك في الراي يا ايمن الرسول قال (من راى منكم منكرا فليغيره )وذكر الكثير مما يستطيع الانسان التغير به ذكر بيده- بالسانه – وبقلبه وذالك اضعف الايمان ..اذا فتغير المنكر من الايمان والايمان هنا لايقف فقط على دين الاسلام الكامل ولاكن يشمل جميع الاديان التي ترجع عبادتها لله ..كبر دماغك فقط لتجاهل السفيه لانك لو جادلته لم يعرف يفرق الناس بينكم ..كما قال الشاعر ان سبك السفيه فلا تلمه فغير من اجابته السكوت …وده بالعامي كبر دماغك